તાજ તું હૈયાનું રાજ
તાજ તું હૈયાનું રાજ
ટહૂકો જ લાગણિયો,
ચાહતની ખુશીઓ,
પોંખે તને વાલમિયો મિજાજ,
તાજ તું હૈયાનું રાજ
શ્વેત આરસ સુમન
તારું દર્શન મંગલ,
તારી પાવનતા પ્રેમનો પમરાટ
તાજ તું પ્રણય પખાજ,
ઝગે ચાંદની શીતળ,
પ્યારની છબી જ રૂપલ,
જળ જમુનાના ઢોલિયે ડોલે તું રાજ
ધન્ય! અમર કલાનો સરતાજ,
ઉર વ્હાલની દાસ્તાન
શાહી સ્નેહનો ઉપહાર,
વસુંધરાને વ્હાલે વીંટાળે મુમતાજ
તાજ તું હૈયાનું રાજ.