સન્નાટો

આખા વિશ્વ પર આજે કેવો સન્નાટો છવાયો છે,

દરથી હર એક માણસ આજ જો ગભરાયો છે,

સમય નથી એવી બૂમો રોજ એ પાડતો રહેતો,

આજે સમયજ સમય છે તોયે કાં અકળાયો છે ?

પ્રકૃતિનું નિકંદન કાઢતો રહ્યો અવનવા વિકાસ કાજ,

મૃગજળ સમા સુખની પાછળ કેવો એ ભરમાયો છે,

આંધળી દોટ છે જિવન તણી કદી પાછો ના વળ્યો,

નિર્દોષ જીવોને મારતાં પણ કદી ના અચકાયો છે,

કલ્પના બહારની સ્થિતિ નિર્માણ થઈ છે આજે,

કોરોના ના કહેરથી ચાર દિવાલોની વચ્ચે પુરાયો છે,

ઘણાં દેવદૂતોએ લોકોને બચાવવા ભેખધરી જુઓ,

કોઈ ખોટી અફવાઓ ફેલાવતાંય ના લજવાયો છે !

કંઈ ન કરીને પણ સારું કરી શકશું ઘરમાં રહીને,

બાકી તો સૌની સમજ મુજબનો રોલ ભજવાયો છે.