શું જીવું છું ?

નાનપણ નું એ રમકડું...

તકિયાંમાં સૂકાયેલા એ આંસુ...

સમાજનાં ડરથી ભેગી કરેલી પ્રતિષ્ઠા...

એકઠું કરેલું એ ધન..

ઉપરવટ કરેલા નિર્ણયો ને..

અસમજણમાં બાંધેલા સંબંધો...

અધૂરા સપના ને અધૂરા અહેસાસો...

અકારણ ડર ને અબૂધ લાગણીઓ...

શું જીવીએ છીએ આપણે ?

ના આપણું પોતાનું હાસ્ય...

આંસુઓ પણ કોઈએ આપેલા ઉછીના..

ઉધાર માંગેલુ માન ને પરાણે નિભાવાતા સંબંધો...

મૂકો યાર બધું...

આંખોમાં પોતાની જાત પ્રત્યેનું સન્માન ને

હોઠ પર સંતોષનું સ્મિત..

દુ:ખમાં પોતીકા સંબંધો બસ.