"શબ્દો" થયા "મૌન"
"શબ્દો" થયા "મૌન"
મોટા મોટા બંગલાઓ, તેમાં રહે લોકો ઓછા;
એવું કેમ લાગે છે મને, હવે "શબ્દો" થયા "મૌન"!
મોઢા દેખાય કયારેક જ પાડોશીઓના,
તેમાં પણ જોયું ના જોયું તેઓ કેમ કરતાં ?
એકનુ બારણું ખુલતુ જોઈ,જાય અંદર બીજું સરકી,
એક કુત્રિમ હાસ્ય નો પણ અવકાશ નથી શું?
લોકોના મન હવે કેમ મળતા નથી ?
મોટા મોટા બંગલાઓ...
નાની નાની વસ્તીઓમાં ભરેલા નાના ઘરો,
બંગલાઓની બહાર ખુલ્લી જગ્યાઓ સૂની,
નાના ઝૂપડાઓની બહાર ટોળું મારે ગપ્પા,
મોટી જગ્યાઓ.; પણ છે બંગલાઓ ખાલી!!
ફર્નિચર વાતો કરે એકબીજાથી,દિવાલો સાભળે -હસે;
મોટા મોટા બંગલાઓ,...
'ઓનલાઇન સંબંધોની બોલબાલા ખૂબ,
પણ સાચું મિત્ર કોઈક જ, વિચિત્ર થતી જાય છે આ દુનિયા,
છે કોઈ બુરખા વગરનો ચહેરો;
ટાઈપ કરી કરે "વાહ વાહ" અંદર તો કેમ આટલી
કડવાશ ને ભરેલું છે ઝેર ?
મોટા મોટા બંગલાઓ...
દિવાળીમાં ના બનતા નાસ્તાઓ જુદા જુદા,
કયાં છે એવી અવર-જવર ,
આવે બહારથી જ ફરસાણો; કેમ નવા વષૅની
શુભેચ્છા પાઠવવા જવામાં પણ કચવાટ,
સોશિયલ મિડિયાની પોસ્ટ જ સર્વે સર્વા;
શું આ કુત્રિમ સંબંધો હળવા મળવામાં હવે શરમાય છે ?
મોટા મોટા બંગલાઓ, તેમાં રહે લોકો ઓછા,
એવું કેમ લાગે છે મને, હવે "શબ્દો" થયા "મૌન" !