રંગ તારાં પ્રેમનો

રંગાયો હતો હું તારાં પ્રેમમાં,

રંગાવું હતું મારે એમાં જીવનભર,

છતાંય જો આજે છું કોરોધાકોર હું,

રહી ગયો બસ હવે તારાં જ વહેમમાં,

એવો હું અકળાયો તારા આ વર્તને,

કહી પણ ના શક્યો તને હાલને મારાં,

ના રંગો વરસ્યા, નાં મારી કોઈ એ

પિચકારી ગુલાલની, નાં ભીંજાયો હું,

રહ્યાં કોરાં ગાલો મારાં તારી જ રાહ જોતાં,

કોરી રહી ગઈ એ લાગણી,તારા હાથે રંગાવાની,

ને વરસી આંખો મારી, ભર ઉનાળે,

વરસ્યો જો મેહ મૂશળધાર તારી યાદ નો !