રાખડી

રાખડીનાં મૂલ કદી ન અંકાય !

વર્ષોથી એનો મહિમા ગવાય !

અતૂટ હેતને પ્રેમનું પ્રતિક,

બેનથી બંધુના હસ્તે બંધાય !

રાખડીનાં મૂલ કદી ન અંકાય !

વર્ષોથી એનો મહિમા ગવાય !

રક્ષા કાજે ઉતારી આરતી,

ભાલે કુમકુમ તિલક કરાય !

રાખડીનાં મૂલ કદી ન અંકાય !

વર્ષોથી એનો મહિમા ગવાય !

ઓવારણાં ઉર ઉમંગે લઈને,

મોઢું ગળ્યું પરિવારનું કરાય !

રાખડીનાં મૂલ કદી ન અંકાય !

વર્ષોથી એનો મહિમા ગવાય !

' રાકેશસિંહ ' તહેવારોની મજા,

રક્ષાબંધન તો ઉત્સવ બની જાય !

રાખડીનાં મૂલ કદી ન અંકાય !

વર્ષોથી એનો મહિમા ગવાય !