પ્રેમની રમત

એમ પૂછશો નહી વળી કે કેમ થાય પ્રેમ ?

આ રમતમાં હજી નવાં છીએ અમે પણ !

નહીંતર હર રેકોર્ડ પ્રેમના મારે નામે હોત ,

ને સુવર્ણચંદ્રકો લાગણીનાં ઉભરાતાં હોત !

તમને કયાં ખબર છે કે હરીફ કોણ હોત ?

કયારેક તું તો કયારેક પ્રેમ કટ્ટર વેરી હોત !

અમને હરાવીને તમોએ અપસેટ સર્જ્યો છે,

તમને ક્યાં ખબર કે એ મારો જ જલવો છે !

પ્રેમનો ઢીલાં પોચાં હૈયાનો હું રમતવીર છું ,

પણ રમત તોય પ્રેમની ખૂબ રમી જાણું છું !

નવી પ્રિતની પ્રતિયોગિતા ક્યાં અહીં થાય ,

બાકી જીતો તમે ને મેડલ મને મળી જાય !

રમો તમે ખૂબ રમત, પ્રેમનીય ભલે ને રમો ,

પણ નિયમ અઘરાં રાખીને રમત પૂરી કરો !

અધવચ્ચે દાવ મોકૂફી તર્કસંગત જોઈએ,

ફજેતી થાય, મનફાવે પડતું અગર મુકીએ !