પ્રેમ-ભક્તિનો રંગ

.. રંગને સો સો વધામણાં,

પ્રિયતમ પર એ સોહામણા,

નયનમાં એની કાજળ અંજાણાં,

લેવાયાં નજરથી નજરનાં ઓવારણાં.

.. એક શ્યામ શ્યામવર્ણા,

એક રાધાગોરી શ્વેતવર્ણાં,

ગગનમાં ગુંજે રાધાનાં રિસામણાં,

બ્રહ્માંડમાં ગવાયે કાન્હાજીનાં મનામણાં.

.. રંગ તો આ જીવનમાં અનેકવર્ણા,

ક્યાંક રાતા તો ક્યાંક હરિતપર્ણા,

હવે ચપટી ગુલાલના રુઆબ સમજાણા,

અને મબલખ વ્હાલ લઈને મુઠ્ઠીમાં સમાણા,

.. ક્યાંક નરસિંહ, ક્યાંક કબીર ગવાણા,

અલખને ઓટલે પ્રેમ-ભક્તિ રંગ પાથરવા સર્જાણા.

મીરાની જેમ થાઓ અળખામણા,

તો માધવ મળ્યા, વળી મળ્યાં અલખનાં હેવાતણાં.