ફોનનો રણકાર

ફોનનો રણકાર

કોયલનો કેકારવ છે મધુર

શિશુ નો કિલ્લોલ છે મીઠો

       

 કિંતુરણકાર તારા ફોનનો છે

મધુરમ્ કહેવું મારે તને ફોન પર કે,

"લાવજે, એક કિલો શીતલ ધવલ ચાંદની

પાંચ લીટર ખળખળતા ઝરણાનું સંગીત

દસ-બાર તરોતાજા તારલાઓનો ગુલદસ્તો

સાગરના પંદર-વીસ મોજાથી વણેલી ઓઢણી

વીસ-પચીસ શબનમથી ગૂંથેલો ગજરો

ખોબો ભરાય એટલા નીરનો આરસો

મુઠ્ઠીભર આકાશ નો બનાવજે પટારો

એમાં સંઘરીશ તારા પ્રેમનો ખજાનો

ચાલવા છે મારે આઠ-દસ પગલા

તારી તરવરતી ચમકતી આંખોમાં

જેમાં આંજ્યો તે દિવાસ્વપનોનો સુરમો !"