પાઠશાળા

હવે તો ફરી બાળક બનવું છે,

પાટી-પેન લઈને ફરી શાળાએ જવું છે..!

લપસણી ને હિંચકા હાલકડોલક ને પકડમપકડી,

મારામારી, ઝગડમઝગડી ને ખેંચાતાણી કરવી છે..!

ના કોઈ કાલની ફિકર, ના કોઈ આજની ચિંતા,

જિંદગીનાં એ સોનેરી દિવસોની ફરીથી ચાહત કરવી છે...!

ખાવું, પીવું, રમવું, કૂદવું ને અલ્લડ જીવન,

પાઠશાળાની એ જિંદગી ફરી પાછી જીવવી છે...!

પાઠશાળાનાં એ સહપાઠીનો નાસ્તાનો ડબ્બો ને ખાવાનાની એ વહેંચણી,

શિક્ષકની શીખામણથી ફરીથી 

જિંદગી જીવતા શીખવી છે..!