પારેવડું

ભોળુ ભાલુ પારેવડુ

ભરત નામે પારેવડુ

અવનિ ઉપર અવતરી ગયું

જન્મ મરણનાં ચક્ર મહી

ચકરાવો મારી ઊડી ગયું

સોનાવાલાની અટારીએ

મોતીનાં દાણા ચણતુંતું

હરુભાઈ ને પુષ્પાબેનનાં

વ્હાલનું પાણી પીતુંતું

પ્રદીપ ગીતા હેમંત કમળ

અનિલ ઈન્દ્ર અરુણ

સાત સાત ભાંડુડા સાથે

ગેલથી મસ્તી કરતુંતું

દ્રષ્ટા નામે પારેવડી સાથે

પ્રેમની ગુફ્તગુ કરતુંતું

દેશ વિદેશમાં વિહરતુંતું.

મોહમાયાની ઝપાટ લાગી

સંસાર મહી જ્યાં પગ મૂક્યો

બચ્ચાનાં કિલબિલાટ શમ્યા ન્હોતા

એક શિકારીની જાળમાં ફસાઈ ગયું

ખબર ન પડી કેમ પગ એ જાળમાં ફસાઈ ગયા

ધીરે ધીરે ફાં ફાં માર્યા પાંખો પણ ફસાઈ ગઈ

પાંખો ફફડાવતા આજીવન કેદમાં ફસાઈ ગયું

આમ વર્ષોનાં વ્હાણા વાઈ ગયા

અને આજ પ્રભુને દયા આવી

તેને આ પારેવડું પ્રિય લાગ્યું

પારેવાને પાંખ ફૂટી ને ગગનમાં

આજ મુક્ત થયું અનંતમાં એ

આજ અલોપ થયું આજ

ભોળા ભાલા પારેવડાનો તો

ભવસાગર પાર થઈ ગયો

ભરતનો રામ સાથે મિલાપ થયો

પારેવડું આજ પ્રભુને પ્યારું થઈ ગયું .