ઓશીકું

ભીના ભીના ઓશિકાને આંખના ચોમાસાની ખબર છે,

કૈક એકાકી પ્રેમીઓના આંસુઓથી તરબતર છે !

કંઈ કેટલીયે અધૂરી ઝંખનાઓ સંઘરીને બેઠું,

ઓશીકું તો ભીંતો વચ્ચે અરમાનો ભીની કબર છે !

આખો દિવસ ભટકી ભટકીને ભાંગેલી નજરનું,

અધૂરી અપેક્ષાઓની ગલીનું એ ભીનું નગર છે !

એ જ્યારે જ્યારે સપનામાં આવી રડાવી જાય મને,

ભીતરથી હલકા થવાની ઓશીકું આખરી ડગર છે !

ને કેટ કેટલા ભીના "પરમ" પ્રસંગો સાચવીને બેઠું,

"પાગલ" પ્રેમીઓનું તેથી જ ઓશીકું રાતનું હમસફર છે !