મોસમ વરસાદની

સુકી થઈ છે સુનેરી ધરતીને,

તરસ્યાં થયાં છે આ મુક જાનવરો.

પંખી કહે મારે ક્યાં પીવું પાણી ?

જ્યાં માનવી પણ વલખાં મારે પાણી...પાણી !

ગરમીએ તો કાળો કેર વર્તાવ્યો છે આજે,

પંખાને કુલરની તો હવા પણ ન અડતી આજે,

ફુટપાથ પરનાં માનવીની શું હાલત હશે ?

એકવાર તો રીઝી જા વર્ષારાણી અમારા કાજે.

મોસમ વરસાદની અનેરી જોઈ,

કુદશે એ નાનેરા નિર્દોષ ભુલકાઓ,

ધરતીમાતા જાણે લીલી ચાદર ઓઢે,

ધરા જાણે ખુશાલીમાં આળસ મરડી ઉઠે !

ખેતરોમાં પાક રૂડાં ચોમેર થયાં,

સૌ માનવી રાજીના રેડ થયાં,

મોંધવારી તું મુકીશ ને હવે માઝા ?

હવે તો આવી ચુક્યા છે મારા પ્રિય મેધરાજા.