મિત્રતા

યાદોના પટારા ખોલું તો કિસ્સા મઝાનાં નીકળે, 

મનના ખિસ્સા ફંફોસુ તો અમુક દોસ્ત નફાનાં નીકળે.

મિત્રતાની રાહ પર જ જીવાય છે આ જિંદગી, 

અંધારા ઉલેચું તો નવાનક્કોર અજવાળા નીકળે.

અસલામતીની કેડીઓ પર જ્યારે માંડ્યા'તા ડગ, 

અચાનક સલામતી તરફ મિત્રતાની ગતી નીકળે.

શબ્દોમાંથી વાકયો બનાવનાર તો બહું જોયાં, 

મિત્રતા એ તો મૌનને વાક્યોમાં બદલી શકવાની કરામત નીકળે.

બનાવટ ને છલનાને ઘણાં હોશિયારી ગણે, 

મિત્રતા એ તો જેવા છીએ એવા દેખાવાની વફાદારી નીકળે.