માટે

સૌ બતાવે માર્ગ લાખો ચાલવા માટે,

માર્ગ સાચો શોધ તું કંડારવા માટે !

વાત કડવી એ કહે છે કાનમાં આવી,

સાથ આવે કોઈ ક્યાં જગથી જવા માટે ?

પ્રેમથી બોલે નહિ એ રુક્ષ માનવ છે,

કારણો છે ક્યાં જરૂરી ચાહવા માટે ?

સેંકડો વિચાર આવીને ઊભે દ્વારે,

શબ્દ ક્યાં આવે ગઝલ શણગારવા માટે ?

કોઈ અટકળ ના કરો મિત્રોની બાબતમાં,

મિત્રતા એ ધર્મ ક્યાં છે પાળવા માટે !

એક સાચો ધર્મ છે તું જાણ માનવતા,

ધર્મ બીજા છે બધા ઝગડાવવા માટે !