માનું છું !
માનું છું !
છે તારો સાથ મારી સાથે કાયમનો એ તો માનું છું !
પણ હું તો સાથના સહવાસને માનું છું!
સુંદરતા મળે મને સોળે શણગારથી દિવ્યમ ,
પણ પ્રીતના વ્હાલને ખરું સૌંદર્ય હું માનું છું !
જો હોય જીવનમાં વેણ મીઠા મધુરા વ્હાલમ,
મળે આનંદ અંતરનો એમાં હું માનું છું!
નામ જોડાઈ તારું મુજ સંગે એ ઘડી તો ચાહું છું,
પણ એકમેકના નામથી બને ‘જીવન અર્થ’ એમાં હું માનું છું !
ભીતરના ખાલીપાની વેદનાથી પળેપળ હું દાઝું છું,
આવી પળો પણ જીવન સંગીતમાં બદલે એમાં હું માનું છું !
સપનાની દુનિયા મારી સ્વપ્નની જ રહી ભલે,
છતાં ‘સ્વપ્નીલ ‘ થઈ મુજ જીવનનો મર્મ શોધવામાં માનું છું !