લેણાદેણી

લેણાદેણીનાં ચક્કરમાં ફસાયો છે,

એ થકી જ સંબંધોમાં બંધાયો‌ છે,

લેણાદેણી થકી જ સંબંધો બને છે,

લેણાદેણી પૂર્ણ થતાં સંબંધો તૂટે છે,

આંસું હાસ્ય કર્મો તણી સોગાત છે,

સુખ દુઃખ એ તો કિસ્મતથી મળે છે,

ઋણાનુબંધ થકી આવી મળે છે સૌ,

લાગણીઓમાં તણાયા જાય છે સૌ,

ભાવના આ લેણાદેણી સમજાવે છે,

ભલે હોય સંબંધ પાક્કો કાચો દોર છે,

ઈચ્છા પૂરી કોઈની ક્યાં અહીં થાય છે,

થોડાં અંશે એ લેણાદેણીની સોગાત છે,

લેણાદેણી માટે કંઈ લખાયું નથી અહીં,

એ વગર લખવું પણ અઘરું છે અહીં.