લાગતું મુજને

લાગતું મુજને સદાયે દૂર છે કે પાસ છે ?

પણ વિચારું દિલ મહીં તારી હાજરી તો ખાસ છે.

ઈશ્વર કહું કે પરવરદિગાર ? કેમ કહી પોકારવું ?

બસ, એક તું અવિનાશી જગમાં, સેંકડો તારા નામ છે.

આરતીના દીપમાં શ્રધ્ધા બનીને ઝળહળે તું,

મસ્જિદે આઝાનમાં પણ બસ, એ જ તારો નાદ છે,

બાઈબલ કે ઈશનાં છે ક્રોસમાં તારી છબી,

તું જ છે કુરાનમાં ને તું ગીતાનો સાર છે.

લાગતું મુજને સદાયે દૂર છે કે પાસ છે,

પણ વિચારું દિલ મહીં તારી હાજરી તો ખાસ છે.