કલરવ

ભીતર એક પછી એક ભાવ બરફ બની ઓગળે,
ને ખામોશીનો બોલતો તુજ નામનો કલરવ મળે !

પાંદડે પાંદડે સંભળાય સૂરીલી ઝાંઝર તારા નામની,
મને બંધ આંખે તુજ આગમનનો પગરવ મળે !

તને યાદ કરું જે ઘડી એ સમયના ટુકડામાં,
અચાનક મને તારા આગમનનું અચરજ મળે !

કણ કણમાં અનુભવું હું તારો અહેસાસ સદા,
જ્યાં જ્યાં નજર નાખું મને તારું જ દરશન મળે !

ભવ ભવ યુગ યુગ ને હર જનમ જનમમાં મને,
એક શરણું તારું શ્વાસે શ્વાસે ને હરપળ મળે !

તારા 'પરમ' કલરવના પગરવનું અચરજ કેવું,
તુજ દર્શનથી મુજ 'પાગલ'નું બગડેલું મુકદ્દર ફળે !