કેમનું જીવાય ?

આ ચાર દીવાલોમાં કેમનું જીવાય? 

મને તો આ ઊઁચા પહાડ અને નીચેરા ઝાડને જોઈને કંઈ કંઈ થાય !

કેવી વનરાજી ! કેવા વનરાજા! 

મને તો આ સિંહની ત્રાડ અને પશુની બુમરાડ સાંભળીને કંઈ કંઈ થાય ,

કેવી નદીઓ અને કેવા સમંદર ! 

મને તો આ ભરતીનો નાદ અને ઓટનો ઘુઘવાટ પારખીને કંઈ કંઈ થાય,

કેવા પાદર ને કેવા ખેતરો! 

મને તો એની શાંતિ અને એમાં વિશ્રાંતિ મેળવીને કંઈ કંઈ થાય,

કેવી ધરતી ને કેવુ આકાશ ! 

મને તો એકની વિશાળતા અને મહાનતા જાણીને કંઈ કંઈ થાય,

કેવી પાંખો અને કેવા પંખીઓ! 

મને તો એમનુ ચીં...ચીં...અને કૂહૂ...કૂહૂ...માણીને કંઈ કંઈ થાય,

આ ચાર દીવાલોમાં કેમનું જીવાય?