કેમ કહું ?

હાલમાં બેહાલ છું એમ કેમ કહું ?

આજ જેવી કાલ છું એમ કેમ કહું ?

છું પુરાયેલ પાંજરે હર પળ – ઘડી 

ને છતાં નિહાલ છું એમ કેમ કહું ?

જિંદગી પુરાઈ ગઈ એક વેંતમાં !

મોતની હિલ- ચાલ છે એમ કેમ કહું ?

આપણાં મળ્યાં સહુ એ વાત પર

રોગ આ વિકરાળ છે એમ કેમ કહું ?

કુદરત ને જીવંતતા મળી કંઇ કેટલી !

આ હવામાં સુધાર છે એમ કેમ કહું ?

પશુ-પંખી શ્વાસ લે’છે મુક્ત પણે,

ને મનુજ લાચાર છે એમ કેમ કહું ?

જે ઘડી જીવ્યાં એજ છે આપણી, 

હવે,આપનો શું ખ્યાલ છે કેમ કહું ?

હાલ માં બે હાલ છે એમ કેમ કહું ?

આજ,એવી કાલ છે એમ કેમ કહું ?