કારણ કે હું દરિયો છું

દરિયાની ઓળખ એને ક્યાંથી હોય

જેણે માત્ર ખાબોચિયા જોયા છે

ઉભરાવુ મને ફાવશે નહીં

અને લાગણીઓ ક્યારેય સુકાશે નહીં

કારણકે હું દરિયો છું ખાબોચિયું નહીં !

છીછરું ઝરણું બની ને 

તું મને નહી પામી શકે..

આવવું પડશે નદીની જેમ વહી ..

કારણ કે હું દરિયો છું ખાબોચિયું નહીં !

ખારાશ સમાવીને બેઠો છું  

એટલે જ તો સમંદર છું

મર્યાદા છોડી નથી મારી 

એટલે જ તો કિનારા ની અંદર છું

મને તું છલકવાનું ના કહીશ

કારણ કે હું દરિયો છું ખાબોચિયું નહિ !