કારણ હશે ?

કારણ વગરની વાતમાં પણ કારણ હશે....

આ સૂરજ પણ કંઈ એમ થોડો રોજ ઊગતો હશે ?

ફૂલોનું આવવું પણ એક કારણ હશે....

પાનખરમાં પાંદડા કંઈ એમ જ થોડી ખરતા હશે ?

આપણા જન્મમાં પણ કંઈક કારણ હશે....

એમ કંઈ થોડી માતાના સ્તનમાં ધાવણ આવતું હશે ?

શબ્દોમાં પણ કોઈની શાહુકારી હશે....

એમ કંઈ થોડી શાયરી લખાતી હશે ?

ગીતામાં પણ સત્ય હશે....

એમ કંઈ થોડા સોગંધ ખવાતા હશે ?

કેટલીય અકારણ ઘટના ઘટતી હશે....

એમાંય કંઈ કારણ હશે....

હું રોજ ગમે તે લખું ને તો ય તમે વાંચો...

એમાંય કંઈ કારણ હશે ?