કાના તને કેમ સાચવું ?

નટખટ કાનુડા તું ભારે તોફાની, 

ઘર માથે લઇ  તેં કરી મનમાની,

હું તો એવી થાકીને, કંટાળી કે, 

કાના તને કેમ સાચવું? 

હવે લાલા તને કેમ સાચવું ? 

મટકી ફોડીને તું માખણ ખાતો, 

ઘરમાને ઘરમાં કયાંક છુપાઈ જાતો, 

તું હાથ ના આવતો લગાર,

કાના તને કેમ સાચવું ?

હવે લાલા તને કેમ સાચવું ? 

ગાયો ચરાવતો યમુનાને કાંઠે, 

બંસી બજાવતો કદમ્બની ડાળે, 

ગોપીઓના ચીર ચોરનાર,

કાના તને કેમ સાચવું ?

હવે લાલા તને કેમ સાચવું ? 

વૃંદાવનમાં તું રાસ રચનતો,

ભેરુબંધ સાથે, ગેડી-દડો રમતો,

કાળી નાગ નાથનાર. 

કાના તને કેમ સાચવું ? 

નંદદુલારા તને કેમ સાચવું ?