જન્મ્યો હતો હસતાં હસતાં આ જગતમાં

જન્મ્યો હતો હસતાં હસતાં આ જગતમાં

વિતાવ્યું છે બાળપણ મજાનું આ જગતમાં,

હસતાં, રમતાં, ખેલતાં, કુદતા, સમય વહી ગયો

કેટલાય લાડ લડાવીને ઉછેરીને મોટાં કર્યા,

ભણાવ્યા, ગણાવ્યા ને પરણાવ્યા સમાજમાં

જન્મ્યો હતો હસતાં હસતાં આ જગતમાં,

કયારે બાળપણ ગયું ને પડયાં જંજાળમાં,

જવાનીના જોરે કમાઈ વસાવી મિલકત ઘણી

છોકરાઓ ને પરણાવી ફરજ પૂરી કરી,

કયારે વીતી ગઈ જવાની, દાદા થઈ ગયાં

જન્મ્યો હતો હસતાં હસતાં આ જગતમાં,

બાળકો સાથે રમતાં, બાળપણમાં ખોવાઈ ગયાં

લાકડીના સહારે ડગુમગુ ચાલતા થઈ ગયા,

ખબર જ ના પડી જીવનના ચડાવ ઉતારમાં

આખરે અંતિમ પડાવે, શ્વાસ પણ થંભી ગયા

જન્મ્યો હતો હસતાં હસતાં આ જગતમાં.