જિંદગી

અજબ સવાલોની ગજબ જિંદગી,

જો ઉકેલાઈ જાય તો કેવી આ જિંદગી ?

નિતનવા પ્રશ્નો સાથે રોજ આવે જિંદગી,

વગર ઉકેલે સાંજ થતી જિંદગી,

ક્યારેક મિજબાની તો ક્યારેક મજબૂર જિંદગી,

ના રેલાવું 'હિર' હાસ્ય તો કેવી આ જિંદગી ?

છડે ચોકે મદમસ્ત જિંદગી,

મારા અંતરાયમાં આર્તનાદ આ જિંદગી,

ક્યારેક ખુશીનો ભંડાર જિંદગી,

તો ક્યારેક દુઃખો અપાર જિંદગી,

પળમાં બદલતી ચાલ જિંદગી,

તો પળ ને થંભાવતી આસાન જિંદગી,

અજબ સવાલોની ગજબ જિંદગી.