જીવતર
જીવતર
1 min
295
સંબંધો સૌ સ્વાર્થના વળાવે પૂરું વળતર,
હે ઈશ્વર ! કાં આપ્યું આવું જીવતર ?
સ્નેહ, મમત ને વહાલ નામના શબ્દો લાગે કાચા,
વેર-ઝેર ને દંભ-દેખાવના પડદા ઉઠતા સાચા.
જીવ દઈને જીવ ઝંખતા દીઠા મેં તો માવતર
હે ઈશ્વર ! કાં આપ્યું આવું જીવતર ?
રાગ -દ્વેષ ને નિંદા ઝરતો દીઠો જીવનો દેહ,
કોઈ દિવસ ના લાગે એને સાચા શિવનો નેહ,
અઘરા 'રંજ' જીરવવા તે કાં રાખ્યો મુજને પડતર,
હે ઈશ્વર ! કાં આપ્યું આવું જીવતર ?