હું શિક્ષક

મારા સમાજનો સુધારક એટલે હું શિક્ષક,

મારા વિચારોનો તારક એટલે હું શિક્ષક,

દુનિયામાં એક જ વ્યવસાય નિરાળો,

એટલે એ જ હું શિક્ષક,

મારા ઘરથી લઈને શાળા સુધીનો સુકાની,

અને શાળાથી લઈને ચોક ડસ્ટર સુધીનો તુફાની,

 સમાજમાં ડૉક્ટર, વકીલ, એન્જીન્યર બનાવનાર,

 એટલે એ જ હું શિક્ષક,

એની દરેક લાકડીની ઘા માં પણ ચિંતા,

અને એની દરેક પરીક્ષામાં એ શુભચિંતક,

 મારા દરેક વિદ્યાર્થીના રિઝલ્ટમાં હું ખુશ,

 મારા વિદ્યાર્થીના દરેક ઉત્સાહમાં ઉત્સાહી.

 એટલે જ હું શિક્ષક.

મારા બાળપણના શાળાના દરેક દિવસો જીવતી,

ફરીથી એ દફતરનો ભાર ઝીલવા તૈયાર થતી,

અને એટલે જ ગર્વથી કહું છું કે હું શિક્ષક.