હાથીભાઈ

હઠ્ઠો ગઠ્ઠો હાથી !

એને તો બસ ખાઉં ખાઉં ,સૌ કોઈનો સાથી !

હઠ્ઠો ગઠ્ઠો હાથી ....

લાંબી સૂંઢ ઝુલાવી નદીએ જઈને ન્હાય...

કેળાં હોય કે કેરી,બધું'ય લપ્ લપ્ ખાય !

આખ્ખો દહાડો આપો તો'ય ના ધરાય..

એક મારે પાટું તો દૂર ઉડીને પડી જવાય..

વ્હાલો ,મારો એ તો પાક્કો સંગાથી !

હઠ્ઠો ગઠ્ઠો હાથી !

જંગલ જંગલ ગજવી મુકે ,કરે દોટમ દોટ્ !

કાળાં જુતાં , ટાઈ અને પહેરે રંગીન બુસ્કોટ !

ખાવું , ગાવું મિત્રો સાથે કરે આનંદનો વિસ્ફોટ .

ધિંગામસ્તી કરવાનું કુદરત પાસે કેવું આ રીમોટ ?

શેરડીનાં સાંઠા લઈલે ખેતર માંથી -

હઠ્ઠો ગઠ્ઠો હાથી !