ગુરુને મળવું છે

અજ્ઞાનરૂપી અંધકારને દૂર કરી,

ઉરે જ્ઞાનતણી જ્યોતિ જલાવનાર એ  

જ્ઞાની ગુરુને મળવું છે,

જન્મ દીધો એ માત પિતાને કોટી વંદન,

મુજ કંટકરૂપી જીવન પથ પર પુષ્પ વેરનાર એ વનમાળી ગુરુને મળવું છે,

કંઈક અડચણ આવે ને સમરું ઈશને હું,

સાદ કરુ ને પળમાં દોડી આવે એ

દોડવીર ગુરુને મળવું છે,

ભણતર થકી મીઠા ઠપકાની માર ને વળી,

માર થકી જીવન ઘડનાર એ

ઘડવૈયા ગુરુને મળવું છે,

વણ ઉકેલ્યા કોયડાની વણઝાર ચાલે છે દિલમાં,

મુજ અંતર પિછાણનાર એ

ભોમિયા ગુરુને મળવું છે.