ગ્રામીણ સંસ્કૃતિ
ગ્રામીણ સંસ્કૃતિ
હતો સુંદર વડલો મારા ગામના પાદરે,
હતો એતો સાક્ષી સુખ-દુઃખની વાતોનો આખરે,
હતી આખા ગામની જીવાદોરી એ નદી,
વહ્યા સમયના વહાણ, પણ એ ન વિસરાઈ કદી,
બાપ-દાદાના કંધે બેસી જોયા ઘણાં મેળા,
સાથ હતો સૌનો ને ભેગા રહેવાની હતી એ વેળા,
સૂતા ખુલ્લા આકાશ તળે ને ગણતા ટમટમતા તારલા,
પૂંજી હતી સંબંધોની ઘણી ને જોડાયા હૈયાના તાંતણા,
કદાપિ ન જીવનના મૂલ્યોને હાર્યા,
સતત માનવતાના શિખરો સર કર્યા,
ન જીવતા કદી ભેગું કરવા,
જીવતા હંમેશ ને માટે ભેગું રહેવા,
સતત વરસતો માથે વ્હાલનો વરસાદ,
ન લાગ્યું કદી કે કરીશું આ જીવન બરબાદ,
સુંદરતાની છબી હોય છે પ્રભુ તારી હર એક કૃતિ,
એવી જ જાણે સર્જી તે તો આ ગ્રામીણ સંસ્કૃતિ..!