એક સાંજ
એક સાંજ
એક સાંજ એવી છે,
ભરઉનાળા પછી ધરતી હવે લીલી છે..!
નીલાં ગગનમાં એક સોનેરી કિરણ ઊગ્યું હતું,
ઢાંકવા એને વાદળોની ફોજ નીકળી છે.!
મોરના ટહુકા કરે છે કંઈક અલગ અવાજ,
વર્ષારાણીને બોલાવવાની આ જ તો અનેરી ઘડી છે..!
તરુવર થયાં છે લીલાંછમ્મ જાણે,
ધરારૂપી ચાદર પર હરિયાળી પથરાઈ છે..!
વાયરાની સાથે પંખીઓ પણ લઈ રહ્યા હિલોળા,
કોયલ પણ ગાન મધુરાં કંઠે ભરીને બેઠી છે..!
પૂરાઈ છે નભે રંગોળી મેઘધનુષી,
અષાઢી મેઘ સાથે રંગાઈ જવા જનમેદની ઉમટી છે..!
આરપાર સરકી રહેલા આભમાંથી,
નીતરતી એક મેહુલાની હેલી છે..!
કંઈ કેટલાંય વર્ષોથી રાહ જોઈ રહેલી,
આ ધરતી જાણે હરખઘેલી છે..!
ભીંજાઈ જશે હૈયા યુગલોના,
પ્રીતના વાદળોમાં રમવાની નવી શરૂઆત છે..!
આંખોમાં પ્રસરી જશે એક એક ટીપાં,
ચાતકની જેમ મંડાતી એવી વર્ષાઋતુની તરસ છે..!