એક ખિસકોલી

મેં એક ખિસકોલી પાળી છે તે

રંગે બહુ રૂપાળી છે, તે અંગે તો

સોનેરી છે થોડી થોડી રૂપેરી છે,

તે મારા ઘરે તો રોજ આવે છે.

ઘડીકમાં દોડે ઉપર ઘડીકમાં નીચે

મગફળી એને બહુ જ ભાવે છે !

એ મારા હાથમાંથી શિંગ ખાય,

ચણા ખાય શીરો ચપચપ ચાટી જાય,

મારી તો ખાસ સહેલી છે, નામ મેં

એનું રાખ્યું છે ખુશી ! ખુશીની પીઠે

ચટાપટા છે જે શ્રી રામજીએ સ્પર્શ

કરી આપેલા વહાલની નિશાની છે !

ખુશી મને રોજ રોજ મળે છે !

એ મારી પાળેલી ખિસકોલી છે !

મારા મન મહેલની અટારીએ,

ખુશી હંમેશા ટહેલતી રહે છે.