દિલના ઝરૂખે

મારા તે દિલના ઝરૂખે કેવી શોભી રહી !

એવી વાસંતી નાર આજ મને જોવા મળી,

એતો રણઝણતી ચાલ કેવી ચાલી રહી !

મારી આંખ્યુંની આરપાર ઊતરતી ભળી,

એના તે કંઠમાં કોકિલ કેવી બોલી રહી !

મારા ભવોભવ શણગાર સજાવી સળી,

મારી મનની મોરલી કેવી બજાવી રહી !

ગ્રહે ગાલે એ ચુંબન આશ જગાવી છળી,

ભીતરે અગ્નિ પ્રચંડ કેવી જલાવી રહી !

પ્રશ્નો અધરે મૂકીને મૌન ધરી એ ટળી,

મંદ મંદ પવન સંગે કેવી ઝૂલી રહી !

લાગી એની મને આશ મારા ઝરૂખે વળી,

હૈયે છલકતી રૂપેરી કેવી આશ રહી !

જાણે આભને ઝરૂખે રૂડી ખીલતી કળી.