છન છન કરતી ઝાંઝર

પાગલ થઈને પ્રેમ થઈ જાય જ્યારે,

ઘાયલ થઈને હેમ થઈ જવાય ત્યારે,

એ છન છન કરતી ઝાંઝર,

પ્રીતને પુકારતી જાય...

નિખરતી જ રહે સુંદરતા પ્રિયતમાની,

પ્રીતે રુહને સ્પર્શી હોય જો !

અહેસાસ કરાવતી એ પળે મિલન-મધુરિમાની,

ભેટ ઝાંઝરની પ્રિયએ એમ અર્પી હોય તો !

એ છન છન કરતી ઝાંઝર,

પ્રીતને પુકારતી જાય...

ઝુમતો પ્રેમી બંધાઈ એવી એ તો ડોર,

પ્રિયેના ઝાંઝર ઝણકારમાં !

પ્રિયતમાનું સૌમ્ય મધુરું બંધન,

પ્રિયેના એજ હ્દય રણકારમાં !

એ છન છન કરતી ઝાંઝર,

પ્રીતને પુકારતી જાય...

જડ્યા હોય હીરા, મોતી, કુંદન,

એ ઝાંઝરના નકશી-કામમાં !

આમ જ જડેલા સંબંધ પ્રેમના બે હ્દયના,

જીતી લે વિશ્વ,સ્વને રક્ષી પ્રેમના જામમાં!

એ છન છન કરતી ઝાંઝર,

પ્રીતને પુકારતી જાય...

થાય ગમે તેટલી પુરાની એ ઝાંઝર ,

મંઝિલ સુધીની સફર એ નિભાવતી લહેકાથી !

નવા રુપ રંગે ફરી પાછી હંમેશ સજતી,

એજ 'પ્રેમકહાણી' સાચા અર્થે જીવન મહેકાવતી !

એ છન છન કરતી ઝાંઝર,

પ્રીતને પુકારતી જાય.