Exclusive FREE session on RIG VEDA for you, Register now!
Exclusive FREE session on RIG VEDA for you, Register now!

Hiren Maheta

Others


4  

Hiren Maheta

Others


બાનું વ્હાલ

બાનું વ્હાલ

1 min 23.7K 1 min 23.7K

અમી ભરેલી આંખડી જેની બોલે 'મારા લાલ',

મારી બાને હૈયે ઉછળતું એ દરિયા જેવું વ્હાલ.


એના ચહેરે સ્મિત રમે ને જીભે રહેતી ‘ખમ્મા’,

આશિષ એના મનમાં સદા કરતી હોય પરિક્રમા,

એના શબ્દો ગોળ બનીને મારા ચૂમી લેતા ગાલ,

મારી બાને હૈયે ઉછળતું એ દરિયા જેવું વ્હાલ.


જેના હાથે ભોજન લાગે અન્નપૂર્ણાંનો પ્રસાદ,

એથી પણ મીઠો લાગે એના હાલરડાંનો સાદ,

સાવ સુંવાળા શબ્દો એના કરતા માલામાલ,

મારી બાને હૈયે ઉછળતું એ દરિયા જેવું વ્હાલ.


ચશ્મા પહેરી મારી સામે આંખો કરે ઝીણી,

મારા મનમાં રમતા પેલા વિચાર લેતી વીણી,

ઝીણી ઝીણી નજર રાખી કરતી રહેતી સવાલ,

મારી બાને હૈયે ઉછળતું એ દરિયા જેવું વ્હાલ.


દુઃખ ગમે એ હોય, પણ એ કદીય કોઈને ન કે'તી,

એકલી બેસી ઘરના ખૂણે આંસુ સારી દેતી,

એની આંખોમાં દેખાતા'તા હૈયા કેરા હાલ,

મારી બાને હૈયે ઉછળતું એ દરિયા જેવું વ્હાલ.


'ક' અને 'ખ' ની પકડા પકડી ગમતી મને રોજ,

પાટીમાં એ પેન ઘૂંટાવે પણ મારે તો મસ્તીની મોજ,

લાખ બુમો પાડે તોય એને ગમતી મારી ધમાલ,

મારી બાને હૈયે ઉછળતું એ દરિયા જેવું વ્હાલ.


Rate this content
Log in