અવસર ક્યાં છે

હવે પહેલા સમુ કોઈનું મુકદ્દર ક્યાં છે ?

જે દુનિયા જીતી ગયો તો એ સિકંદર ક્યાં છે ?

ઝેર પીવાનો ભલે બધા દમ ભરતા હો અત્યારે

પણ ઝેર પીને અમૃત કરનારા એ હવે શંકર ક્યાં છે ?

છે ઘણાય પથ્થરો કે જે ઠોકરો મારે બધાને,

જે પૂજાઈને ખુદ ભગવાન થઈ ગયો એ પથ્થર ક્યાં છે ?

સવાલો તો કંઈ કેટલાય છે ભીતર મારા મન મહીં 

પણ એને સંતોષ આપી શકે એવો ઉત્તર ક્યાં છે ?

તમે ભલે અત્યારથી જ ખોદી

રાખી હો કબર "સંગત"

પણ હજુ આ મારા મરવાનો અવસર ક્યાં છે ?