અતીતના દરવાજા

આ જિંદગીના દાવ પેચમાં કેવો ઝલાયો છું,

અતીત ને વર્તમાનની વચ્ચે હવે અટવાયો છું. 

ત્યાં સ્વાગત થયું યાદો થકી,

મન ખોવાશે ક્યાંક એ હતું નક્કી.

ખોલ્યો દરવાજો જ્યાં અતીતનો,

દરવાજાની પાછળ એક સ્મિત મળ્યું,

સંતાઈ ગયું હતું વર્ષો થકી.

એક કબાટ જરા જ ખોલ્યું,

તૂટેલી છત્રીની યાદમાં,

આજે પણ લાગણી પલાળી જ હતી.

એક ડાયરી મળી મને ખાનાંમાં,

સૂકા ફુલની સુવાસ પાછી મળી હતી.

ખોલ્યા દરવાજા હવે અતીતના,

હવે, પાછા વાળવું એ મુશ્કેલી હતી.