અમરવેલ

સમાજના પ્રતિબંધોના આઝાદ ગુલામ સૌ

જેનું અસ્તિત્વ જ નથી એનાં જ અહીં અંગ સૌ

સંસ્કૃતિના નામે જ પરમ પ્રકૃતિથી દુર

ને સ્વર્ણ-જંજીરોમા જકડાઈને છે દંગ સૌ

આપણાં જ અસલ અસ્તિત્વ થી દૂર આપણે

છે ખબર ખૂબ છતાંયે કરતાં પ્રપંચ સૌ

સુગંધ વગરનાં નકલી ફૂલ જેવા આપણે

પાણીમાંજ પાણીથી પ્યાસી મીન જેવા અંગ સૌ

વેદ-ગીતા-કુરાનના જ્ઞાનનાં ભંડાર આપણે

સ્વથી જ અજ્ઞાન એવા બુઝાયેલા સુરંગ સૌ

ફૂટશે અંકુર એવા આજ એક બીજ આપણે

અગમના એંધાણથીજ આજ છે જીવંત સૌ

"હું" જ છે બાધા એ સત્યથી વાકેફ આપણે

થાય "હું" દૂર તો અહીં જ આપણો આનંદ સૌ

ઉડી રજ મન દર્પણની એવા ચિત આપણે

જાણી સ્વને અને સર્વને આજ થયા દંગ સૌ

સ્નેહ સુધાથી સિંચાયેલી અમરવેલ આપણે

"પરમ" પામશે એવી "પાગલ" અડગ જંગ સૌ