અજવાળું

મારો જ પડછાયો ખોવાઈ ગયો,

અમથો અમથો અંધારામાં !

પડછાયા હારે પ્રિત થઈ'તી,

અમથી અમથી અજવાળામાં !

હૃદય બાળીને કેવું અજવાળું થયું છે,

જુવો ચારેકોર,

મજા જ અલગ હોય છે,

મરવાની પ્રેમમાં રજવાડામાં !

સઘળું ઉઘડે છે અચાનક,

જીવનમાં એક ભવ્ય ક્ષણે,

બધું જ દ્રશ્યમાન હોય છે,

ભીતરના અજવાળામાં !

બત્રીસ કોઠે દિવા પ્રગટે,

એક આતમની અનુભૂતિએ,

એક દિવાળી સતત હોય છે,

ભીતરના અજવાળામાં !

ધૂંધલકામાં ખુદના પડછાયે,

આભાસ તારો વરતાય,

ભેદ ભરમ તૂટે છે પછી,

પ્રથમ પહોરના અજવાળામાં !

અંધારાના ગર્ભમાં જ સૂતી હતી,

"પરમ" પ્રકાશની આશ,

તેથીજ "પાગલ" કરતી તાજગી,

હોય છે ભોરનાં અજવાળામાં !