અહંકારના વમળ

અહંકારના વમળમાં કોઈ ને કમળ પણ ન દઈ શકો આપ,

જો કોઈ યત્ન કરે સારો તોય કમળ પણ ન દઈ શકો આપ,

જોઉં છું દુનિયા ને દુનિયદારીના અજબ ગજબના ખેલ ને

મનમાં ભર્યો નર્યો મેલ એટલે કમળ પણ ન દઈ શકો આપ,

ને હાથ તો ઘણો ઊંચો થઈ જાય છે કંઈક નવરચના જોઈ

પણ દંભી મનના નકારે એટલે કમળ પણ ન દઈ શકો આપ,

ને શી ખબર શું થઈ જાય અવર ને ઉરેથી અભિનંદન કરતાં

ઉરે ઇર્ષ્યાઝેર નર્યું ભર્યું એટલે કમળ પણ ન દઈ શકો આપ,

છો આપ સર્વ મૂર્ધન્ય, પંડિત ને મહા લેખક, મહા કવિરાજ

હા ! ખરું ! એટલે જ કાન્તાસુત કમળ પણ ન દઈ શકો આપ.