આજનો માણસ

આજનો માણસ ધનથી ભલે રહ્યો અમીર,

પણ માનવતાથી મુફલિસ થતો જાય છે,

આજનો માણસ ખાલી કહેવા પૂરતો,

અમીર બનતો જાય છે,

દાન ઘર્મ હવે ખાલી,

કેમેરાની ચકાચોંધ સામે જ થાય છે,

ખાનગીમાં તો એ અમીરના હદયની,

કંગાલિયત ચાડી ખાય છે,

મોટી મોટી વાતોનો ખડકલો,

આખી દુનિયા સામે થાય છે,

હકીકતમાં તો ગરીબની ગરીબાઈની,

મજાક મશ્કરી જ થાય છે,

મુફલિસોની આવી દુનિયામાં ક્યાંક,

માનવતા પણ ઝળહળી જાય છે,

ધનથી મુફલિસ ભલે હોય,

પણ કર્મની અમીરી અંજાવી જાય છે,

આજનો માણસ ખાલી કહેવા પૂરતો,

અમીર બનતો જાય છે.