આઝાદ ભારત

દેશ આ વીરો તણો, આઝાદ ભારત વીરથી,

દેશ આ વીરો તણો, આઝાદ રહેશે હીરથી,

જ્યાં નદી માતા ગણી પૂજાય છે સન્માનથી,

દેશ આ વીરો તણો, આઝાદ છે એ નીરથી,

રક્તમાં સંસ્કારનો છે વારસો ઉન્નત ઘણો,

દેશ આ વીરો તણો, આઝાદ ઉન્નત શિરથી,

ના કદી અન્યાય સામે એ જરા પણ ઝૂકશે,

દેશ આ વીરો તણો, આઝાદ છે હર તીરથી,

છે તમન્ના હર દિલે કે દેશ મારો રહે અમર,

દેશ આ વીરો તણો, આઝાદ હર જંજીરથી,

શક્તિ સમ નારી અહીં નર દેવ સમ છે ભાસતો,

દેશ આ વીરો તણો, આઝાદ છે તાસીરથી,

ધર્મની નિરપેક્ષતાથી ભેદભાવો ના અહીં,

દેશ આ વીરો તણો, આઝાદ એ નવક્ષીરથી.