આજે રંગે રમે માવડી
આજે રંગે રમે માવડી
આજે રંગે રમે માવડી,
કોણ કોણ સાથે ધૂળેટી રમે;
અંબાજી,બહુચરાજીમા, રંગે રમે
આકાશમાંથી રંગોનો વરસાદ વરસે રે.
ગુલાલ,લાલ, પીળાં કેસરી છે રંગો,
રૂડા ખુશી ઉમંગોથી સર્વે દેવીઓ રમે;
ધૂળેટીનો તહેવાર દેવીઓ ઉજવે રે.
ખોડિયારમા, મેલડીમા રંગે રમે,
નવદુર્ગા, ચોસઠ જોગણીઓ રંગે રમે;
રંગ ભરીને ચૂવાળ ચોકમાં રમે.
ભાવના રંગોત્સવ દેવી મનાવે રે,
ચેહર મા આજે ધૂળેટી રમે રે;
ભૂવાજી, પઢિયાર ને કંકુ છાંટે રે.
નીત-નવા રંગોથી સેવકોને રંગે રે,
દર્શનાર્થીઓને ગુલાલે રંગે રે;
આજે ચેહરમા રંગે રમે રે.
રંગ મસ્તીનો તહેવાર ધૂળેટી છે,
દેવીઓએ કરી ઉજાણી રે;
માવડીએ રંગોની રમઝટ કરી રે.