આઈસક્રીમ

માર્ચ આવ્યો, એપ્રિલ આવ્યો

ગરમીબેનનું વધ્યુ જોર

ઠંડા ઠંડા પીણાની વધી માંગ

ગરમી પડી છે ચારેકોર

આઈસક્રીમ કેતું સૌ લોકોને

મારા વિના કોઈને ના ચાલે ?

મારી જરૂર પડે બધાને

સૌ ખાશે હવે મને કાલે

બાળકોતો મને જોઈને 

 કેવા થઈ જાય રાજી ?

બજારમાં ગુલ્ફી, ગોલાથી

  હું વધારે મારીશ બાજી  

બજારમાં વેચાયા આઈસક્રીમ 

આઈસક્રીમને આનંદ અપાર

મનમાં મલકાતું,હરખાતુ

લઈ જાવો તમે બે ચાર

ગુલ્ફી, રસ, શીખંડ આ જોઈ

મનમાં ને મનમાં ખીજાયા 

સૌ આઈસક્રીમને કરે પસંદ

આપણાથી કેમ સૌ રીસાયા ?