આ જિંદગી રંગમંચ છે

આ રંગ સમા રંગમંચની રંગત બની જવું,

આ રીતે ઈચ્છાને રંગભૂમિમાં ઉતારી દઉં. 

અને તમારા મારા જીવનનો એક કિસ્સો ભજવી દઉં, 

આ રીતે રંગમંચ પર એક દીર્ઘ શ્વાસ ભરી દઉં. 

જિંદગીની કલાકારી બતાવી શબ્દોથી મન હરી લઉં,

આમ જ રંગમંચમાં અવનવા રંગો ભરી દઉં.

કરુણાસભર પાત્ર ભજવી સૌની આંખ ભીંજવી દઉં, 

આ રીતે રંગમંચની રંગીનતા બતાવી દઉં. 

કલાકારી કરીને જીવનનિર્વાહ ચલાવી લઉં, 

આ રીતે રંગમંચથી દોરંગી જીવન જીવી લઉં. 

વિધવિધ પાત્રો ભજવી સૌના દિલમાં છવાઈ જઉં, 

આ રીતે રંગમંચનો નવો ઈતિહાસ જ રચી દઉં. 

રંગભૂમિને ભાવનાથી રંગી મંદિર બનાવી દઉં, 

અને પછી રંગમંચને જ ઈશ્વર બનાવી દઉં.