Aaj khidki khulegi kya?

Roz subah aankh khulte hi,

Sabse pehla nazara hota tha is khidki ka...

Jahaan har subah rooh ko choo jaane wali maujoodgi thi...

Jo suraj se zyada roshan,

Aur subah ke geet se zyada madhur lagti thi...

Woh likhti thi,

Kabhi kuch gaati thi...

Aur jab bhi hamari nazar milti,

Ek halki si muskaan ke saath kehti thi: "Good Morning."

Jaise roz ki thakaan, us ek muskaan se chhoot jaati thi...

Jaise zindagi ek pal ke liye, poori ho jaati thi...

Par kuch dino se...

Yeh khidki nahi khulti.

Na awaaz, na muskaan, na woh "Good Morning".

Sirf ek sannata hai... aur ek bechaini.

Dil ghabraata hai...

Sochta hoon... kya hua usse?

Kya sab theek hai?

Ya bas... yeh khidki, meri kismat ban gayi hai —

Band.

Main har subah uthta hoon...

Aur sirf ek sawaal reh jaata hai...

"Aaj khidki khulegi kya?"

Jab tak yeh khidki band hai,

Meri subah adhoori hai...

Aur dil...

Bechain.