ବିପ୍ଳବ
ବିପ୍ଳବ
1 min
7K
ବିପ୍ଳବ ଯେବେ ପ୍ରତିଶୋଧ ହୋଇ ଜଳେ
ଅଙ୍ଗେ ଅଙ୍ଗେ ବହେ
ଶାଣିତ କରତାଳ ।
ଅହିଂସା କୁ ଭୁଲି ହିଂସାକାଣ୍ଡ ରେ ମାତେ,
ଭୁଲିଯାଏ ତା'ର
ଉଦ୍ଧିଷ୍ଟ ପ୍ରତିଫଳ ।
ନ୍ୟାୟ ବଦଳରେ ସ୍ୱାର୍ଥ ସାଧନରେ ମାତି
କ୍ଷତିଗ୍ରସ୍ତ କରେ
ବିପ୍ଳବର ଭିତ୍ତିଭୂମି ।
ସଂକୀର୍ଣ୍ଣତା ବାଦୀ ସ୍ୱାର୍ଥ ହାସଲର ପାଇଁ
ଜନ ସ୍ୱାର୍ଥ ଭୁଲି
ହୁଏ ସଂକୀର୍ଣ୍ଣ ସଂଗ୍ରାମୀ ।
ବିପ୍ଳବ ଯେବେବି ବଳିଦାନ ରୂପ ନିଏ,
ନ୍ୟସ୍ତ ସ୍ୱାର୍ଥ ତେଜି
ଜନ ସ୍ୱାର୍ଥେ ପ୍ରାଣ ଦିଏ ।
ବୀର ଦର୍ପ ନେଇ ବଳିଦାନ ଦେଉ ଦେଉ
ସହିଦ୍ ହେବାକୁ
ଆଗଭର ହୋଇଯାଏ ।
ବଳିଷ୍ଠ ବିପ୍ଳବ ରକ୍ତପାତ ଚାହେଁ ନାହିଁ
ଚାହେଁ ନି କାହାରି
କ୍ଷୟକ୍ଷତି କରିବାକୁ ।
ଅହିଂସା ତାହାର ମାନସିକ ମାରଣାସ୍ତ୍ର
ସତ୍ୟରେ ସତ୍ୟରେ
ଲଙ୍ଘିଯାଏ ଅସତ୍ୟକୁ ।
ବିପ୍ଲବୀ ସେ ନୁହେଁ, ଧର୍ମ ନାମରେ ଯିଏ
ଅଧର୍ମ ପାହଚେ
ଜାଣି ଜାଣି ରଖେ ପାଦ ।
ହିଂସାରେ ହିଂସାରେ ଧର୍ମକୁ ହତଶ୍ରୀ କରେ,
ବିପ୍ଳବ ଭିତ୍ତିରୁ
ଜନ୍ମ ନିଏ ଜହ୍ଲାଦ ।
ବିପ୍ଳବ କର ହେ ବିପ୍ଲବୀଙ୍କ ଧର୍ମ ନେଇ
ସତ୍ୟର,ନ୍ୟାୟର
ଧର୍ମର ପ୍ରତିଷ୍ଠା ପାଇଁ ।
ସଂକୀର୍ଣ୍ଣ ସ୍ୱାର୍ଥକୁ ଅର୍ଦ୍ଧ ଅଭିଷିକ୍ତ କରି
ଖଳ କୂଟନୀତି
କାହିଁକି କରୁଛ ଭାଇ !
ମୃତ୍ୟୁ ବି ନିଜର ଆତ୍ମ ସମ୍ମାନକୁ ଜଗେ
ଉଲଙ୍ଘି ଯାଏନି
ସତ୍ୟନିଷ୍ଠ ତା'ବଚନ ।
ନିଜ ସ୍ୱାର୍ଥ ପାଇଁ ବିପ୍ଳବର ମର୍ଯ୍ୟାଦାକୁ
ଜାଳିଦେଇ, ତାକୁ
କରନାହିଁ ହୀନିମାନ ।