Library
Profile
ମୋତେ ପ୍ରେମିକା ହେବାକୁ ମନା
ମୋତେ ପ୍ରେମିକା ହେବାକୁ ମନା
ମୋତେ ପ୍ରେମିକା ହେବାକୁ ମନା... !
ଭ୍ରଷ୍ଟ ବଜାରରେ
ପ୍ରେମର ସଂଜ୍ଞାକୁ
ଗୋପନେ ଅନ୍ଧାରେ
ଶସ୍ତା ଦରରେ
ସଉଦା କରିବା ମନା !!
ମୋତେ ପ୍ରେମିକା ହେବାକୁ ମନା...!
ପ୍ରେମର ଧୂଆଁରେ
ବିରହ ନିଆଁକୁ
ବହ୍ନି ସଜେଇବି
ନିଜେ ବି ଜଳିବି ;
ପ୍ରତାରଣା ମୁଁ ଜାଣେନା !!
ମୋତେ ପ୍ରେମିକା ହେବାକୁ ମନା...!
ଯମୁନା କୂଳରେ
କଦମ୍ବ ଡାଳରେ
ଲୁଚି ଲୁଚି ଯାଇ
କୁହୁକ ବଂଶୀର
ସ୍ଵନ ଶୁଣିବାକୁ ମନା ... !!
ମୋତେ ପ୍ରେମିକା ହେବାକୁ ମନା...!
ଗୋପ ତ ହଜିଛି
କଦମ୍ବ କାନ୍ଦୁଛି
ଯମୁନା ଜଳୁଛି ;
ଛଳନା ଶିଖିନି
କାହିଁକି ଖୋଜିବି କାହ୍ନା ??
ମୋତେ ପ୍ରେମିକା ହେବାକୁ ମନା... !
ପ୍ରଣୟ ନିଆଁର
ଛଳନା ବହ୍ନିରେ
କୁହୁକିନୀ ସାଜି
ପ୍ରେମକୁ ଜାଳିବି ;
ଶିଖିନି କରି ବାହାନା !!
<
br>
ମୋତେ ପ୍ରେମିକା ହେବାକୁ ମନା...!
ଜାଣିଛି ପ୍ରେମରେ
ପ୍ରତାରଣା ପୁଣି
ପ୍ରବଞ୍ଚନା ମିଶି
ପ୍ରେମିକାପଣକୁ
ସହଜେ କରନ୍ତି ଚୂନା !!
ମୋତେ ପ୍ରେମିକା ହେବାକୁ ମନା... !
ନମ୍ର ନାରୀତ୍ୱର
ନିର୍ମାଲ୍ୟ ପଣକୁ
ପାଶ୍ଚାତ୍ୟ ଢଙ୍ଗରେ
ରଙ୍ଗ ରୂପ ଦେଇ
ପ୍ରେମର ନିନ୍ଦା ଚାହେଁନା !!
ମୋତେ ପ୍ରେମିକା ହେବାକୁ ମନା... !
ପ୍ରେମର ପଣତ
ଶାଶ୍ୱତ ମାର୍ଜିତ
ଆର୍ଯ୍ୟ ପରମ୍ପରା
ପ୍ରଣୟ ପୃଷ୍ଠାରେ
କଳଙ୍କ ଦେବି ଚାହେଁନା !!
ଆଜି ପ୍ରେମରେ କାହିଁ ମୂର୍ଚ୍ଛନା...!
ସ୍ୱାଭିମାନ ନାହିଁ
ଅଭିମାନ ନାହିଁ
ନିଷ୍ଠା ତ ହଜିଛି ;
ନାହିଁ ସେ ଯୁଗର
ମଧୁର ପ୍ରୀତି ଭାବନା !!
ପଶୁ ପକ୍ଷୀରେ ରହିଛି ପ୍ରେମ...!
ସଂକୀର୍ଣ୍ଣ ମଣିଷ
କେଉଁଠୁ ପାଇବ ;
ହୀନମନ୍ୟତା ଓ
ନଗ୍ନତାରେ ଭରା
ପ୍ରେମର ମୂଲ୍ୟ ବୁଝେନା !!
