ମର୍ତ୍ତ୍ୟର ଭାରତ
ମର୍ତ୍ତ୍ୟର ଭାରତ
ମାତୃଭୂମି ମାତୃ ଶିରରେ ଶୋଭିତ
ଶିରସ୍ତ୍ରାଣ ସମ ଶିରପା ମଣ୍ଡିତ
କାଶ୍ମୀର ଯେଉଁଠି ଭୂସ୍ଵର୍ଗ ବିଦିତ
ଯୁଦ୍ଧ ପାଇଁ ଯା’ର ପାର୍ବତ୍ୟ ପ୍ରସ୍ତୁତ
ଏହି ସେହି ଭୂମି ମର୍ତ୍ତ୍ୟର ଭାରତ ।
ଉତ୍ତର ପୂର୍ବରେ ଭଗିନୀ ସପତ
ଶୁଭ୍ର ସମ ବେଣୀ ଯାର ସୁଲମ୍ବିତ
ସୀମା ପଥେ ସୈନ୍ୟ ଦେଖାନ୍ତି ତାକତ
ସୀମାନ୍ତରେ ଯେତେ ଥାନ୍ତି ତୀର୍ଥ କାକ
ଏହି ସେହି ଭୂମି ମର୍ତ୍ତ୍ୟର ଭାରତ ।
ପଞ୍ଜାବ ପ୍ରଦେଶ ପଞ୍ଚଧାରେ ପ୍ରାଂଶ
ଆମ ଦେଶ ଶିର ମସ୍ତକ ମହୀଶ
ପାଉଥାଏ ଯେତେ ବାଧା ପ୍ରତିରୋଧ
ଦେଉଥାଏ ସେତେ ହେବାକୁ ନିରୋଧ
ଏହି ସେହି ଭୂମି ମର୍ତ୍ତ୍ୟର ଭାରତ ।
ବକ୍ଷରେ ହୃଦୟ ଯାର ସମାପନ
ଆମ ରାଜଧାନୀ ଦିଲ୍ଲୀ ତାର ନାମ
କେତେ ମୂକ ସାକ୍ଷୀ ଶତ୍ରୁ ବେନିୟତ
ଐତିହ୍ୟ ଯାହାର ବେପଥୁ ପୂରିତ
ଏହି ସେହି ଭୂମି ମର୍ତ୍ତ୍ୟର ଭାରତ ।
ହରିଆଣା ଠାରୁ ଆନ୍ଧ୍ର ହରିଆଲି
ବିସ୍ତାରେ ଯାହାର ସବୁଜିମା ଡୋଲି
ପଣତ ସମାନ ପ୍ରସାରେ ପ୍ରଶସ୍ତ
ତା ମଧ୍ୟେ ପ୍ରଦେଶ ବିସ୍ତାରିତ ବକ୍ଷ
ଏହି ସେହି ଭୂମି ମର୍ତ୍ତ୍ୟର ଭାରତ ।
ରାଜସ୍ଥାନ ଶିରୀ ଦେଶପ୍ରିତୀ ଡୋରି
ବାଜୁ ବନ୍ଧେ ବଳ ବିରାଜେ ଯେପରି
ବେଙ୍ଗଲ ଓଡିଶା ବିହାର ବିଖ୍ୟାତ
ଯଥା କଟିଦେଶେ କିଙ୍କିଣୀ କିଞ୍ଚିତ
ଏହି ସେହି ଭୂମି ମର୍ତ୍ତ୍ୟର ଭାରତ ।
ଶ୍ରୀପଦ ଶୃଙ୍ଗାର କନ୍ୟାକୁମାରୀର
ପଦ ଧୌତ କରେ ତ୍ରିପଦୀ ସାଗର
ଗୁଜୁରାଟ ଗାଥା ମରାଠା ମନ୍ମଥ
ବିଚ୍ଛୁରିତ ହୁଏ ଯା ଶୋଭା ମୟୂଖ
ଏହି ସେହି ଭୂମି ମର୍ତ୍ତ୍ୟର ଭାରତ ।
ପ୍ରଶାନ୍ତ କୁମାର ହୋତା